Osmani e Kurti takojnë Macron: Kosova e gatshme për marrëveshje

Presidentja e Republikës së Kosovës, Vjosa Osmani dhe Kryeministri Albin Kurti u pritën sot në Pallatin Élysee nga Presidenti i Francës, Emmanuel Macron.

Në fokus të diskutimeve ishte marrëdhënia bilaterale në mes të dy shteteve dhe dialogut Kosovë-Serbi.

Osmani dhe Kurti kanë folur edhe për tensionet në veri të vendit, duke theksuar se institucionet e Republikës së Kosovës mbeten të përkushtuara për paqe, stabilitet dhe garantimin e një mjedisi të sigurt për të gjithë qytetarët e vendit. Duke përmendur tendencat destabilizuese të Serbisë, përmes fuqizimit të strukturave ilegale të saj në Kosovë.

Në takim me homologun Macron, Presidentja Osmani dhe Kryeministri Kurti theksuan rëndësinë e përfundimit të procesit të liberalizimit të vizave përgjatë presidencës çeke të Këshillit të BE-së.

LEXONI GJITHASHTU:

• Vuçiç pas takimit me Macron: Nuk besoj se do ketë bisedime me Kurtin
• Kurti dhe Osmani bashkë në takimin me Macron