Osmani në Samitin e Tiranës: BE të heqë masat ndaj Kosovës që të jetë e besueshme

Presidentja e Kosovës Vjosa Osmani u prit ngrohtësisht nga kryeministri Rama i cili sot është mikpritësi i samitit evropian, ku marrin pjesë 47 liderë evropianë.

Osmani iu përgjigj interesit të mediave të shumta të huaja dhe shqiptare që po mbulojnë samitin në Tiranë lidhur me krizën politike pas zgjedhjeve të shkurtit.

Ajo siguroi se zgjidhja e këtij ngërçi do të vijë shumë shpejt, pasi kjo krizë dëmton popullin e Kosovës.

E pyetur lidhur me dialogun me Serbinë, Osmani theksoi se me rëndësi për Kosovën në këto momente janë bisedimet me BE që siç tha duhet të heqë masat ndaj Kosovës që të jetë e besueshme.

“Kosova e ka politikën e jashtme 100 për qind të linjëzuar me atë të BE, e njëjta dhe për politikat e sigurisë. Fatkeqësisht ka një bllokadë totale nga BE dhe reformat tona nuk vlerësohen, as puna jonë nuk vlerësohet. Po hapet më shumë dera për ata që shkojnë në Moskë tek Putini se sa ne që jemi të linjëzuar me BE-në”, tha Osmani.

LEXONI GJITHASHTU:

• Ditë me shi në Tiranë për Samitin e Liderëve të Evropës, Rama me sytë nga qielli
• VIDEO-LIVE| Nis Samiti në Tiranë, Rama pret liderët e Evropës