Osmani pas pranimit të Raportit për Kosovën: Do të aplikojmë për anëtarësim në BE

Presidentja e vendit, Vjosa Osmani, ka thënë se Kosova do të aplikojë për anëtarësim në Bashkimin Evropian.

Këtë deklaratë e bëri pas pranimit të Raportit për Kosovën për vitin 2022 nga ambasadori i BE-së në Kosovë, Tomas Szunyog.

Sipas mediave të Kosovës, Osmani theksoi nevojën e përshpejtimit të këtij procesi për vendin si dhe nevojën urgjente të përmbylljes së procesit të liberalizimit të vizave.

“Në temën e reformave, Presidentja Osmani ka folur mbi vullnetin e institucioneve të Republikës për ta vazhduar punën intensive në luftim të krimit dhe korrupsionit, dhe ka deklaruar vendosmërinë për fuqizim të sundimit të ligjit në të gjitha sferat”, thuhet më tej në komunikatën e presidencës.

LEXONI GJITHASHTU: 

• “Të dridhet regjimi autoritar”, Berisha paralajmëron protesta të fuqishme
• Krime lufte në Ukrainë, ekspertët vazhdojnë zhvarrimet në qytetin e Limanit