‘Mercenarët e grupit rus Wagner- po ndihmojnë Serbinë të përgatisë një sulm të mundshëm ndaj kombit tonë’ është ky paralajmërimi i Presidentes së Kosovës Vjosa Osmani gjatë një interviste për median britanike The Telegraph.
Kryetarja e shtetit shprehet se mercenarët e grupit rusë po punojnë me paramilitarët serbë për të kontrabanduar armë dhe uniforma ushtarake pa stema në Kosovë.
‘Operacioni sekret është krijuar për të hedhur bazat për një sulm të mundshëm nga Serbia për të rrëmbyer territorin e Kosovës’ ka deklaruar më tej Vjosa Osmani për The Telegraph.
“Ata po sjellin armë dhe uniforma, por nuk janë pjesë e ushtrisë serbe. Serbia dëshiron të arrijë qëllimet e saj, pa e quajtur operacion ushtarak”, tha Osmani.
Sipas saj, objektivi i Serbisë është “të përgatisë situatën për një aneksim të mundshëm – jo përmes një operacioni tradicional ushtarak, por përmes një lloj sulmi hibrid”.
Osmani thekson se Beogradi po vazhdon të rrisë tensionet në rajon në bashkëpunim me Ëagner-in, që kohët e fundit ka nisur fushatën për rekrutimin e serbëve për luftën në Ukrainë.
Osmani tha se pavarësisht pranisë ushtarake të NATO-s në Kosovë – përmes misionit të KFOR-it – nuk do të thotë se Serbia nuk do të tentojë të veprojë sikurse Rusia, që nisi pushtimin e Ukrainës më 24 shkurt 2022.
Serbia ka mohuar që mercenarët e grupit Wagner të kenë pasur ndonjë rol në përplasjen me Kosovën. osova po ashtu ka akuzuar Rusinë se po e nxit Serbinë që të rrisë tensionet me Kosovën por Moska ka mohuar këto akuza të Prishtinës.
LEXONI GJITHASHTU:
- Chollet mirëpret vendimin e Kosovës për propozimin evropian
- Ramabaja: Ja pse jam një kundërshtar i fortë i asociacionit që prej 2013
- Asociacioni pengon dialogun, BE kërkon takime në Bruksel, Vuçiç kundër
