Presidentja e Kosovës, Vjosa Osmani, ka zhvilluar një takim me Zëvendëspresidentin Amerikan, J.D. Vance, gjatë vizitës së saj në Paris.

Sipas një njoftimi nga Presidenca e Kosovës, Osmani shprehu mirënjohjen e thellë për aleancën e ngushtë mes Kosovës dhe Shteteve të Bashkuara të Amerikës. Ajo gjithashtu konfirmoi përkushtimin e Kosovës për thellimin e bashkëpunimit në fusha të ndryshme të interesit të përbashkët.

Takimi është vlerësuar si një mundësi për të forcuar më tej marrëdhëniet mes dy shteteve dhe për të diskutuar mundësitë e avancimit të bashkëpunimit bilateral.