“Pa sanksione s’ka armëpushim”, Starmer nga Tirana: Putin nuk është serioz

Kryeministri britanik Keir Starmer në një prononcim për mediat para takimit të Komunitetit Politik Evropian që mbahet sot në Tiranë, tha se president rus Vladimir Putin nuk po tregohet serioz në premtimet e tij për vendosjen e armëpushimit në Ukrainë.

Starmer theksoi se Evropa duhet të jetë e bashkuar për të vendosur sanksione ndaj Rusisë, pasi pa sanksione s’ka armëpushim.

“Është shumë e rëndësishme që ne të kemi një unitet absolut me aleatët tanë dhe do ta diskutojmë sot që duhet të ketë një armëpushim. Nëse nuk veprojmë së bashku për sanksionet nuk do të ketë armëpushim por për mua kjo është e qartë që Putin nuk e do seriozisht paqen dhe po tërheq gjërat zvarrë ndaj sot është e rëndësishme për të punuar me kolegë që të jemi të bashkuar dhe do ta diskutojmë gjerësisht dhe me presidentin Zelensky i cili do të jetë këtu”, tha Starmer.

LEXONI GJITHASHTU:

• Osmani në Samitin e Tiranës: BE të heqë masat ndaj Kosovës që të jetë e besueshme
• Ditë me shi në Tiranë për Samitin e Liderëve të Evropës, Rama me “sytë nga qielli”