English

Pakt kundër emigracionit, Macron-Sunak: Stop tregtisë së qenieve njerëzore

KOMENTE

SHPERNDAJE
ARTIKULLIN

Text sizeAa Aa

Britania e Madhe do t’i japë Francës rreth 500 milionë stërlina për të ndalur emigrantët që kalojnë kanalin e La Manshit me varka të vogla.

- Advertisement -

Dhënia e shumës u njoftua gjatë një takimi në Paris mes kryeministrit Rishi Sunak dhe presidentit francez Emmanuel Macron, i cili tha se edhe Franca do të japë kontributin e saj.

Paratë do të shpenzohen për 500 oficerë shtesë dhe për ngritjen e një qendre të re burgimi në Francë, e cila megjithatë nuk do të jetë operacionale para vitit 2026.

Mbretëria e Bashkuar kishte planifikuar t’i paguante Francës rreth 63 milionë paund këtë vit për të frenuar problemin e emigracionit, por tani paketa e re e ndihmës e bën shumën shumë më të madhe.

Edhe Franca do të kontribuojë për zgjidhjen e problemit, por presidenti Macron nuk saktësoi se sa do të jetë shuma që do të lëvrohet.

Shefi i pallatit Elize vlerësoi megjithatë përpjekjet e përbashkëta të ekipeve franko-britanike, për ta ndaluar fluksin e emigracionit me gomone.

Në konferencën e përbashkët për shtyp, Macron tha se vetëm vitin e kaluar, ekipet në fjalë kishin parandaluar 30 mijë varka të vogla që të kalonin kanalin dhe kishin kryer 500 arrestime.

Nga ana e tij, Sunak tha se paratë do të ndihmojnë për t’i dhënë fund asaj që e ka quajtur “tregtia e neveritshme e qenieve njerëzore”.

“Duke punuar së bashku, Britania dhe Franca do të garantojnë që askush të mos shfrytëzojë sistemet tona dhe të kalojë pa u ndëshkuar”, tha Sunak.

 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×