Palestinezi që jeton në Shqipëri: Nuk kanë pse largohen, janë në tokën e tyre

Palestinezi Hamza Aburaja i është bashkuar protestës në në mbështetje të popullit të Palestinës këtë të premte në sheshin “Skënderbej”.

Në një intervistë për Euronews Albania ai tha se prej 30 vitesh jeton në Tiranë dhe e mbështet nga këtu popullin e tij, i cili, sipas tij nuk ka pse largohet nga toka e vet.

“Çdo popull ka të drejtë të jetojë i lirë, të ketë qetësi dhe të mbrojnë të drejtën që ka. Ne jemi popull palestinez dhe kemi të drejta si gjithë njerëzit e tjerë. Problemi ka lindur nga pushtimi që ka ardhur nga Izraeli në tokën e Palestinës. Ky është thelbi i problemit.

Kam komunikim me familjarët atje. Situata nuk është e mirë, nuk është e qetë, është e vështirë. Nëse palestinezët kanë kërkesa, kanë kërkesa në bazë të një rezolute botërore, sipas ligjeve ndërkombëtare që ka pranuar gjithë bota dhe ne po kërkojmë të drejtat tona në bazë të ligjeve të botës,” – u shpreh Aburaja.

Protesta e mbajtur në sheshin “Skënderbej” është organizuar nga Forumi Mysliman i Shqipërisë.

LEXONI GJITHASHTU:

• Palestinezi: Gaza ka nevojë për mbështetje, është vetëm, të gjithë janë me Izraelin
• Gazetari palestinez: Izraeli nuk pranon faktin që sulmi i gjeti në “gjumë”