Paloka: Nëse hapen dosjet pa kontroll do dëmtohen familjet e ish-të persekutuarve

Kreu i Këshillit Kombëtar të PD-së Edi Paloka, ka folur për projektligjin e lustracionit që u dorëzua ditën e djeshme në Kuvend, nga Oerd Bylykbashi.

Në një intervistë për Euronews Albania, Polaka tha se projektligji ka qëllim që bashkëpunëtorët e sigurimit të sigurimit të shtetit të mos kenë më funksione në institucionet publike.

Paloka theksoi se nëse hapen të gjithë dosjet pa kontroll do të dëmtohet familjet e ish-të persekutuarve.

“Qëllimi është që jo vetëm bashkëpunëtorët e sigurimit të shtetit një pjesë e të cilëve kanë qenë dhe viktima të sigurimit të shteti. Sigurimi i shtetit shfrytëzonte klasën më të persekutuar për të krijuar dhe bashkëpunëtorët e saj. Pra të kërkosh sot të  hapen dosjet pa asnjë lloj kontrolli do të dëmtohen familjet e ish-të persekutuarve që mund të kenë brenda tyre dhe të detyruar deklarime dhe firmosje për bashkëpunim në kushtet e presionit të sigurimit. Dhe të lejosh ata që i ka detyruar ata të vazhdojnë jetën e qetë do të ishte gjëja më absurd”-nënvizoi Paloka.

Çfarë parashikon ligji i lustracionit?

“Të gjithë nga kriminelë të sigurimit të shtetit, nga ata që kanë drejtuar mjetet e represionit  të diktaturës, qofshin pjesë e prokurorisë apo gjykatave, asnjëri prej tyre që do të kërkojë të jetë pjesë e kësaj administrate”-shprehet Paloka.

LEXONI GJITHASHTU: 

• Ligji i lustracionit, Koçi: Mbeten për t’u diskutuar nga ana teknike propozimet e PD
• Zbardhen emrat e 15 deputetëve të PD-së që firmosën për ligjin e lustracionit
• PD dorëzon në Kuvend projektligjin për lustracionin