PAMJE/ Ukraina godet me dronë detarë tankerin e tretë rus brenda dy javësh

Shërbimi i Sigurisë së Ukrainës (SBU) njoftoi se dronët detarë “Sea Baby” kanë goditur një tjetër tanker të “flotës hije” ruse, “Dashan”, i cili lundronte nën flamurin e Komoreve, në Detin e Zi.

Video e shpërndarë nga burimi tregon shpërthime të fuqishme në pjesën e pasme të anijes. Vlerësimet paraprake tregojnë se “Dashan” është nxjerrë jashtë shërbimit.

Ky është tankeri i tretë i këtij lloji që goditet brenda dy javësh.

SBU vlerësoi vlerën e tankerit në rreth 30 milionë dollarë, ndërsa transportonte zakonisht produkte nafte me vlerë rreth 60 milionë dollarë në një udhëtim të vetëm.

Bashkimi Evropian, Mbretëria e Bashkuar, Kanadaja, Australia dhe Zvicra kishin vendosur më parë sanksione ndaj anijes për rolin e saj në transportimin e naftës ruse dhe operimin me sistemet e identifikimit të çaktivizuara.

“SBU vazhdon masat aktive për të ulur të ardhurat nga dollarët e naftës në buxhetin rus. Ky është tashmë cisterna e tretë e dëmtuar e ‘flotës në hije’ brenda dy javësh, që ndihmoi Kremlinin të anashkalonte sanksionet ndërkombëtare”, tha burimi i SBU-së.

Sulmi ndaj “Dashan” vjen pas një serie operacionesh ukrainase që synojnë flotën në hije të Rusisë dhe infrastrukturën përkatëse të naftës.

• Publikohen pamjet, dronët ukrainas godasin dy tankerë rusë në Detin e Zi