Pamjet e aksidentit në Elbasan, makina del nga korsia dhe përplaset me kamionin

Euronews Albania, ka siguruar pamjet e aksidentit të ndodhur ditën e enjte në vendin e quajtur “Ura e Murrashit”, në aksin Elbasan Librazhd, ku një automjet u përplas me një kamion.

Aksidenti është filmuar nga kamera e ndodhur në kabinën e kamionit, i cili drejtohej nga një shofer maqedonas.

Siç shihet dhe nga pamjet e mëposhtme, makina me të cilën udhëtonin dy të rinj ka dalë nga rruga në kthesë dhe ka shkuar drejt kamionit duke u përplasur me të.

Specialistët e Sektorit të Policisë Rrugore arrestuan në flagrancë shtetasin A. T., 20 vjeç, i cili ishte në drejtimin e autoveturës.

Si pasojë e aksidentit është dëmtuar vetë 20-vjeçari, i cili ndodhet jashtë rrezikut për jetën, dhe pasagjerja që udhëtonte me të, e cila është nën kujdesin e mjekëve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.