Një 23-vjeçar është arrestuar në flagrancë në zonën e Don Boskos në Tiranë, pasi u kap me një armë zjarri të cilën dyshohet se po përgatitej ta shiste.

Gjatë operacionit “Gracka”, u arrestua në flagrancë, në rrugën “Demir Progni”, shtetasi Armand Deda, 23 vjeç, banues në Tiranë.

“Nga kontrollet u konstatua se ky shtetas kishte me vete 1 armë zjarri pistoletë me municion luftarak”, thuhet në njoftimin e policisë.

Njoftimi i policisë

Finalizohet operacioni “Gracka”. Sekuestrohet 1 pistoletë me municion.

U kap në flagrancë në zonën e Don Boskos, me armën e zjarrit që do ta shiste, vihet në pranga 23-vjeçari.

Si rezultat i kontrolleve të befasishme, të kryera në vijim të punës policore për garantimin e rendit dhe për goditjen e paligjshmërive, Seksioni i Hetimit të Trafiqeve të Paligjshme, në bashkëpunim me Forcën e Posaçme Operacionale, finalizoi operacionin “Gracka”.

Gjatë operacionit, u arrestua në flagrancë, në rrugën “Demir Progni”, shtetasi A.D, 23 vjeç, banues në Tiranë.

Nga kontrollet u konstatua se ky shtetas kishte me vete 1 armë zjarri pistoletë me municion luftarak, të cilën dyshohet se do ta shiste.

Vijojnë hetimet për të identifikuar dhe nxjerrë përpara përgjegjësisë penale, shtetas të tjerë që mund të jenë implikuar në këtë rast.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Kanosi me pistoletë një grua në rrugë, arrestohet 37-vjeçari në Tiranë
• Kapet 22 vjeçari me pistoletë në Tiranë, lëvizte me taksi për të shmangur kontrollet