Panairet e traditës që organizohen në qytetin e Gjirokastrës promovojnë vlerat tona kombëtare duke tërhequr interesimin e turistëve.

Në qendër të tyre është prezantimi i produkteve  tradicionale, suveniret, kulinaria karakteristike etj.

“Gjithmonë është promovimi i traditave dhe i kulturës që ka qyteti ynë por jo vetëm dhe i asaj shqiptare të bërjes së qilimave, kjo rrit vizibilitetin e këtyre zejeve dhe artizanatit shqiptar, për shkak se në qytet tani momentalisht është sezoni i lartë i turizmit dhe kjo i mundëson edhe atyre të përjetojnë nga afër shumë eksperienca të ndryshme”, thotë një djalë.

“E kam trashëgimi familjare dhe e kemi vazhduar, ka qenë mjet që na duhej patjetër në familje shtrojmë qilima, bëjmë sherqe për çobanët, bëjmë çdo lloj gjëje. Është shumë mirë që të vazhdojë si traditë, pse të shuhen këto që janë, të jenë të trashëguara”, shprehet një artizane.

Aktivitete të tilla rijetëzojnë traditat duke i bërë të njohura për turizmin.