Papa Françesku me pantallona, siç nuk e keni parë kurrë më parë

Papa Françesku bëri një vizitë të papritur në Bazilikën e Shën Pjetrit me një veshje surprizuese, pas daljes së tij të dielën për meshën jubilare për të sëmurët.

Si asnjëherë më parë Papa Françesku kishte veshur pantallona dhe nuk e mbante pelerinën e tij të përhershme.

Nën një batanije për ta mbrojtur nga i ftohti, shihen pantallonat e zeza të papës. Në një video, teksa infermieri i tij shtyn karrigen me rrota, papa shihet duke u takuar me fëmijë.

Ati i Shenjtë është duke u rikuperuar në Vatikan pasi kaloi 38 ditë në spital ku u trajtua për pneumoni të dyfishtë, kriza më e rëndë shëndetësore për 88-vjeçarin.