Papa Françesku riapelon shmangien e përshkallëzimit në Lindjen e Mesme

Papa Françesku përsëriti të mërkurën apelin e tij për të shmangur përshkallëzimin e konfliktit në Lindjen e Mesme, raportoi Vatican News.

“Unë përsëris apelin tim për të gjitha palët e përfshira që të sigurojnë që konflikti të mos përhapet dhe të pushojnë menjëherë zjarrin në të gjitha frontet, duke filluar nga Gaza ku situata humanitare është jashtëzakonisht e rëndë dhe e paqëndrueshme”, tha Papa duke iu drejtuar audiencës së përgjithshme javore.

Papa u kërkoi gjithashtu besimtarëve të bashkohen me lutjet e tij për “popujt e shkatërruar nga lufta” të Ukrainës, Mianmarit dhe Sudanit.

“Lutem që kërkimi i sinqertë i paqes do të shuajë grindjet, dashuria do të mposht urrejtjen dhe hakmarrja do të çarmatoset me falje”, shtoi ai.

Izraeli ka vrarë rreth 40,000 palestinezë në Gaza që nga inkursioni i Hamasit më 7 tetor 2023. 

Tensionet janë rritur pas vrasjes së liderit të Hamasit Ismail Haniyeh në kryeqytetin e Iranit Teheran më 31 korrik.

Irani dhe Hamasi kanë fajësuar Izraelin, i cili as e ka konfirmuar dhe as mohuar përgjegjësinë.

LEXONI GJITHASHTU:

• A jetoi vetëm Papa në Vatikan? Arkeologët gjejnë mbetjet e pallatit papal në Romë
• Papa Françesku: Lojërat Olimpike janë mundësi për unitet në Francë