Papa Françesku, i cili u shtrua dje në një spital në Romë po merr antibiotikë për bronkitin infektiv.

Ilaçi ka sjellë një “përmirësim të qartë” të gjendjes së tij shëndetësore, njoftoi sot ekipi mjekësor i spitalit ku po qëndron Papa.

Papa 86-vjeçar po merr “një antibiotik me infuzion që po jep rezultatet e pritshme”, tha Vatikani në një deklaratë, duke shtuar se ai mund të largohet nga spitali “në ditët në vijim”, raportoi Reuters.

Në deklaratë thuhet gjithashtu se Papa Françesku po i kalon ditët në spital “duke iu përkushtuar pushimit, lutjes dhe punës”.

LEXONI GJITHASHTU:

• Papa Françesku përfundon në spital, probleme me frymëmarrjen
• Papa Françesku po mbahet në spital për kontrolle shëndetësore