Paralajmërimi i avokatit: Dosja për Ervis Martinajn do të sfumohet

Avokati Edmond Petraj paralajmëron se dosja për të shumëkërkuarin, Ervis Martinaj do të sfumohet.

Në emisionin “Review” në Euronews Albania, Petraj u shpreh se sekuestrimi i 34 pasurive të Ervis Martinajt nga SPAK-u, nuk do të sjellë rezultat.

“Tani jemi në fazën që është edhe sekreti hetimor, i cili është pjesë tjetër e marrëdhënies dhe nuk është pjesë e këtij vendimi. E gjithë fabula e ngritur deri në këtë moment, nuk ka lidhje me kërkesën për bllokimin e të gjithë aseteve të pasurive apo të numrave të llogarisë, që edhe kësaj i është bërë një hetim, kështu që e ka pasur më të thjeshtë këtë hetim pasuror për ta çuar dhe për ta bllokuar.

Por kjo nuk paraqet gjendjen e dosjes faktike, ku janë elementët dhe shinat ku ka ikur hetimi. Unë nuk shikoj ndonjë rezultat dhe kam përshtypjen, që kjo si dosje do të smufohet rrugës, mbajeni mend, këtu do të jemi”, theksoi ai.