Zëvendëspresidentja e SHBA-së, Kamala Harris, paralajmëroi të hënën për pasojat e rënda që do të ndodhnin nëse Donald Trump do të zgjidhej përsëri president.
Ajo i bëri këto komente para mbështetësve në Wisconsin, duke e cilësuar Trumpin si një njeri joserioz dhe duke theksuar shqetësimet e aleatëve të SHBA-së për zgjedhjet e 5 nëntorit.
Harris rikujtoi se Trump është “manipuluar lehtësisht nga lajkat” dhe përmendi një incident nga pandemia COVID, ku sipas saj, Trump dërgoi teste COVID në mënyrë të fshehtë te Presidenti rus, Vladimir Putin, për përdorim personal.
Duke folur për situatën në Ukrainë, Harris kritikoi Trumpin për deklaratat e tij të thjeshta, duke thënë se ai pretendon se mund ta zgjidhte krizën brenda një dite. “Vladimir Putin do të ishte ulur në Kiev nëse Donald Trump do të ishte president,” tha ajo, duke theksuar se Trump dëshiron të kënaqë liderët autoritarë.
Komentet e Harris vijnë pas deklaratave të Trumpit për marrëdhënien e tij “shumë të mirë” me Putinin, duke sugjeruar se një bisedë me liderin rus do të ishte “një gjë e zgjuar”.
Një zyrtar i administratës Biden e quajti këtë shqetësues, duke theksuar se do të ngrinte “flamuj të kuq” nëse këto thirrje ishin të vërteta.
LEXONI GJITHASHTU:
