Paralajmërimi i Ilirjan Celibashit: Cenimi i votës së çdo kandidati dënohet me 7 vite burg

Kryetari i Komisionit Qendror të Zgjedhjeve, Ilirjan Celibashi, kërkoi nga numëruesit dhe komisionerët që të tregohen korrektë dhe të mos përzihen në manovra për të cenuar votën preferenciale të kandidatëve për deputetë.

Me një shënim në “Twitter”, Celibashi thotë se çdokush që tenton të tjetërsojë vullnetin e qytetarëve do përballet me sanksione penale, deri në shtatë vite burg.

“Cenimi i votës së çdo kandidati do të ketë si pasojë sanksion penal deri në 7 vite burgim, për këdo nga numëruesit apo komisionerët e përfshirë”, thotë ai.

🔴Cënimi i votës së çdo kandidati do të ketë si pasojë sanksion penal deri në 7 vite burgim, për këdo nga numëruesit apo komisionerët e përfshirë.
KQZ disponon pamjet filmike të vlerësimit të çdo votë, të bërë në fazën e nxjerrjes së rezultatit për partitë dhe koalicionet.

— Ilirjan Celibashi (@ICelibashi) April 28, 2021

Ai pohon se KQZ-ja disponon pamje filmike të vlerësimit të çdo vote, duke konfirmuar indirekt faktin se çdo tentativë jo-ligjore do marrë ndëshkimin e merituar, sipas ligjit.

“KQZ disponon pamjet filmike të vlerësimit të çdo votë, të bërë në fazën e nxjerrjes së rezultatit për partitë dhe koalicionet”, tha ai.

Shënimin e z.Celibashi e ka shpërndarë edhe faqja zyrtare e Komisionit Qendror të Zgjedhjeve në “Facebook”.