Paralajmërimi i SHBA-ve: Irani planifikon të furnizojë Rusinë me dronë

Irani planifikon të furnizojë Rusinë me qindra dronë e me shumë mundësi është një mbështetje për luftën në Ukrainë. Lajmi është bërë me dije nga Uashingtoni.

Këshilltari i Sigurisë Kombëtare në Shtëpinë e Bardhë, Jake Sullivan tha se informacionet e marra nga SHBA sugjeronin se Irani po përgatitej të trajnonte forcat ruse për të përdorur dronët.

Ai shtoi se ishte ende e paqartë nëse Irani i kishte dorëzuar armët. Dronët kanë luajtur një rol të rëndësishëm  në luftë si për Ukrainën ashtu edhe për Rusinë.

Të dyja palët po i përdorin dronët  për të dalluar pozicionet e armikut dhe më pas për të ndihmuar në drejtimin e objektivit.

Vetëm javën e kaluar, Ukraina bëri thirrje  për t’i dërguar  mijëra dronë për ta ndihmuar në mbrojtjen e territorit të saj.

Nga nisja e pushtimit SHBA dhe aleatët e tjerë kanë furnizuar Ukrainën me armë në vlerë miliarda dollarë dhe zyrtari i lartë amerikan konfirmoi se vendi i tij do të vazhdojë të mbështesë Kievin. Sulmet me raketa në lindje të Ukrainës po godasin banesat duke mos kursyer civilët.

LEXONI GJITHASHTU

• Turqia furnizon Shqipërinë me dronë inteligjentë me kosto 8 milionë €
• Spanjë, policia përdor dronë për të shpërndarë mesazhe zanore mbi COVID-19