Paralajmërimi në Niger: Nuk i japim asnjë sekondë më shumë Francës

Francës po i kërkohet që të largojë trupat e saj nga shteti afrikan i Niger. Lideri i grupit civil M62 kundërshton prezencën franceze në vend dhe paralajmëron se ushtrisë së saj nuk do i jepet asnjë sekondë më shumë pasi të skadojë afati për të larguar trupat.

“Nuk do t’i japim forcave franceze asnjë sekondë më shumë në territorin tonë pasi të përfundojë afati. Njerëz nga fshatrat dhe komunitetet përreth do të zbresin në kryeqytet dhe do t’i largojnë ata. Ata duhet të ikin nga Niamei”

Ushtria që po drejton Nigerin pas grushtit të shtetit ka denoncuar disa marrëveshje me Francën që u mundëson atyre qëndrimin në vend. Rreth 1500 ushtarë francezë ndodhen Niger, në kuadër të operacionit ushtarak të Sahelit.

Në muajit e fundit, ndjenja të forta anti-franceze janë shfaqur edhe në shtete të tjera afrikane si Burkina Faso dhe Mali.

LEXONI GJITHASHTU:

• Papa Françesku bën thirrje për zgjidhje paqësore të krizës në Niger 
• Lideri i puçit në Niger thotë se synon qeveri transitore