Paralajmëron Braimllari: Më 25 Prill nuk kishim një betejë frontale, por tani…

Nënkryetari i Partisë së Lirisë, Endrit Braimllari, foli në Euronews Albania në lidhje me zgjedhjet lokale të 14 majit dhe bashkëpunimin mes forcave opozitare për këtë garë elektorale.

Braimllari tha se sot ka një bashkëpunim shumë të mirë mes Partisë së Lirisë dhe Partisë Demokratike, ku strukturat në bazë kanë bashkuar energjitë në të gjitha bashkitë e vendit.

Ai shtoi  se ndryshe nga zgjedhjet e 25 Prillit, ku Lulzim Basha tradhtoi ish-LSI-në, sot ka një bashkim të opozitës dhe pritet të ketë një betejë elektorale frontale.

“Për fatin tonë të keq më 25 Prill, për shkak dhe të tradhtisë të lidershipit të atëhershëm të Partisë Demorkatike, opozita nuk ishte frontale në fushatën elektorale. Tani e keni të qartë, dje kryetari i Partisë së Lirisë Ilir Meta ishte pjesë e një taklimi me strukturat e Partisë Demokratike në Elbasan së bashku me kryatrin e PD-së  Sali berisha dhe kandidatin për Elbasanin Luçiano Boçi.

Po kështu në Durrës kemi pasur një bashkim të strukturave për të bashkuar energjitë”, tha Braimllari.

LEXO GJITHASHTU:

• ‘Këtu do jemi’, zotohet Braimllari: Opozita do fitojë në këto tre qytete
• Berisha: Qëllimi i PD është të ndalojë hemoragjinë e largimit të shqiptarëve