Paralajmëron Zelensky: Rusia do të nis “hakmarrjen” ndaj Perëndimit

Presidenti ukrainas Volodymyr Zelensky paralajmëroi të enjten se Rusia po shtonte trupat e saj për të realizuar atë që ai e cilësoi si një “hakmarrje ndaj Perëndimit”.

Zelensky tha se Putin pritet të ndërmarrë një ofensivë të ashpër në Ulrainë në 1 vjetorin e nisjes së luftës.

Paralajmërimet Zelensky i bëri gjatë një takimi në Kiev me shefen e BE-së Ursula von der Leyen, e cila tha se blloku 27-anëtarësh po kërkonte të finalizonte një paketë tjetër sanksionesh kundër Rusisë deri më 24 shkurt, saktësisht një vit që nga nisja e pushtimit të Ukrainës.

“Tani Rusia po përqendron forcat e saj. Ne të gjithë e dimë këtë. Ajo po përgatitet të hakmerret, jo vetëm kundër Ukrainës, por kundër një Evrope të lirë dhe botës së lirë,” tha Zelensky në një konferencë të përbashkët shtypi me von der Leyen.

LEXONI GJITHASHTU:

• “Po përballemi sërish me Gjermaninë”- Putin ngre tonet në përkujtimin e Stalingradit
• “Mjafton 1 minutë”, Boris Johnson: Putin më kërcënoi me sulm raketor
• Ofensivë e re në Ukrainë, mediat: Putin po bën gati trupat për periudhën shkurt-mars