Paralizë elektronike në Holandë, defekti prek e aeroportet, avionët mbeten në tokë

Avionët qëndruan në tokë dhe shërbimet e emergjencës u vonuan pas një ndërprerjeje të shërbimeve elektronike në Holandë. Defekti ishte pasojë e një keqfunksionimi të sistemit “IT” të Ministrisë holandeze të Mbrojtjes.

“Fluturimi ynë është shtyrë dy herë. Në fillim deri në mesditë dhe më pas deri në orën 13. Nuk e dimë nëse do të udhëtojmë apo jo”, thotë një burrë.

Rrjeti i sigurisë së lartë përdoret nga shërbimet e emergjencës, Forcat e Armatosura Mbretërore dhe ministritë në Hagë.

Defekti ka ndikuar edhe në aeroportin e Ajndhovenit, kompleksi i të cilit ndodhet pranë Ministrisë së Mbrojtjes. Atje u anuluan 20 fluturime dhe shumë të tjera ndërruan kurs drejt Amsterdamit dhe Brukselit.

Motivet e ndërprerjes mbeten të paqarta, edhe pse për momentin nuk ka të dhëna për akte dashakeqe.

“Të dhënat nuk na çojnë drejt kësaj piste, por nuk mund ta përjashtojmë. Për të qenë i qartë, Ministria e Mbrojtjes nuk ka ngritur alarmin”, shprehet Dick Schoof, kryeministër i Holandës.

Dikasteri i Mbrojtjes ka konfirmuar se u ka bërë “restart” sistemeve të tij.

LEXONI GJITHASHTU:

• Holanda i jep leje Ukrainës të përdorë avionët F16 në territorin rul
• 5 fituesit e fundjavës së F1 në Holandë