5 fituesit e fundjavës së F1 në Holandë

Lando Norris – Gjatë mbërritjes në Zandvoort, Norris ndjente se nuk kishte bërë ende paraqitjen e një pretendenti për titull këtë sezon – por cilësitë e tij janë të padiskutueshme dhe u konfirmuan në “Dutch Grand Prix” ku ai konvertoi “pole position” në fitore për të parën herë në 6 tentativa.

McLaren – solli paketën më të madhe të përmirësimeve në makinë prej garës në Miami – si rezultat erdhën efektet e dëshiruara. Fillimisht “pole position” dhe pas tij një fitore dominuese në dëm të Red Bull nëpërmjet Norris – e 3’ta për skuadrën në 2024.

Charles Leclerc – mbeti i shock’uar nga shpëjtësia dhe vështirësitë e Ferrari’t në Provat Zyrtare që e penguan atë dhe Carlos Sainz të luftonin për “pole position”. Mirëpo të dielën Scuderia u ringjall për arësye që ende skuadra duhet ti kuptojë plotësisht.

Ferrari – nuk kalonte një moment pozitiv prej fitores së Leclerc në Monako, Majin e shkuar. Të shtunën skuadra ishte e ngadaltë në kthesa por të dielën Leclerc mori podiumin e 7’të sezonal ndërsa Sainz përfundoi në vendin e 5’të për të 6’ën garë rradhazi në Top6.

Pierre Gasly – Ndërsa Ocon vuante në prapavijë, Pierre Gasly shkëlqeu në zonën e pikëve duke ndihmuar Alpinë të shkëputet nga Williams në klasifikimin e konstruktorëve. Francezi shfaqi disa duele impresionuese me Hamilton dhe Sainz në luftë për vendin e 9’të.

LEXONI GJITHASHTU:

• Power Rankings pas 13 garave në F1
• Alpine zyrtarizon rikthimin e Flavio Briatore-s në F1