Hungaroring’u priti eventin e 13’të në Formula 1 dhe në përfundim, Mclaren dominoi fundjavën duke çuar dy pilotët e saj në dy vendet e para, si në Provat Zyrtare ashtu dhe në Garë. Por vetëm Oscar Piastri u vlerësua me notën 9 apo më shumë.
Duke lënë pas shokun e skuadrës Lando Norris (nota 8.6) dhe rivalin Lewis Hamilton (Mercedes, nota 8.4). Nga vendi i 4’t deri në të 7’in u renditën monegasku i Ferrari’t – Charles Leclerc (nota 7.8), japonezi i RB – Yuki Tsunoda (nota 7.4), spanjolli i Ferrari’t – Carlos Sainz dhe tailandezi i Williams – Alex Albon, (të dy me notën 7.2).
Tre pilotët e fundit që plotësuan edhe Top10 të Poëer Rankings në Hungari, nuk e arritën notën 7. Ata ishin britaniku i Mercedes – George Russell (nota 6.8), gjermani i Haas – Nico Hulkenberg (nota 6.6) dhe australiani i RB – Daniel Ricciardo me notën 6.4.
Ndryshimi i parë ndodh në klasifikimin e përgjithshëm, atje ku Norris (Mclaren) arriti në krye Verstappen (Red Bull) me notën 8.4 në paraqitjen pas 13 garave këtë sezon. Ata janë dy pilotët e vetëm që vlerësohen me notën 8+. Nga vendi i 3’të në vendin e 9’të, pilotët vlerësohen me notën 7+ dhe konkretisht Piastri (Mclaren) me notën 7.8.
Sainz (Ferrari) me notën 7.5 ndiqet nga binomi Russell (Mercedes) dhe Leclerc (Ferrari) me notën 7.4. Gjermani i Haas, Nico Hulkenberg është në vendin e 7’të me notën 7.2 përpara 7’të herë kampionit të Botës, Lewis Hamilton (nota 7.1). Yuki Tsunoda (RB) mban vendin e 9’të me notën 7 përpara Alex Albon që mbyll klasifikimin e përgjithshëm pas 13 garave me notën 6.7.
LEXONI GJITHASHTU:
