Fituesit e kthimit të Formula 1 në Imola

Gara e shtatë e botërorit të Formula 1 që transmetohet në Euronews Albania u zhvillua pas dy viteve në Imola. Në pamje të parë duket një tjetër fitore e Max Verstappen por kampioni në fuqi duhet të absorbojë presionin nga miku dhe rivali te McLaren, Lando Norris që e vuri në rrezik të ndjeshëm në Imola.

Holandezi është një nga fituesit e garës italiane pasi në bordin e Red Bull arriti triumfin e 59’të në karrierë me një përqindje fitoresh prej 30.7 duke lënë pas Lewis Hamilton me 30.4%.

Lando Norris është fituesi i dytë dhe po kalon formën më të mirë të karrierës. Pas suksesit në Miami britaniku zhvilloi një pjesë të dytë garës në sulm dhe e kaloi finishin vetëm 0.725s pas mikut të tij në Itali.

Charles Leclerc po gjen vazhdimësinë dhe fitorja e parë në vitin 2024 mund të jetë vetëm cështje kohe. Monegasque e ktheu Ferrari’n në podiumin e Imola’s për të parën herë pas Michael Schumacher në vitin 2006.

Yuki Tsunoda ishte një nga më të mirët e garës në Emilia Romagna pasi japonezi shfaqi shpejtësi konstante në provat e lira, ato zyrtare dhe garë.

8 herë kampionët e Botës tek Mercedes kanë objektiva më të mëdha se vendet 6 dhe 7 apo dhe xhiron më të shpejtë të garës. Por nga Italia u larguan me arësye të vërteta për të qënë optimistë.

Në fund Haas, që mgjs nuk mori asnjë pikë në Imola tregoi sërish kapacitetin për të kërkuar një vend në top 10.

LEXONI GJITHASHTU:

• Verstappen mbijeton në Imola
• Mercedes fiton më shumë se kushdo në Formula 1