Formula 1 dhe FIA zyrtarizuan sot kalendarin dhe pistat që do të presin eventet “F1 Sprint” për vitin e ardhshëm, me 6 cirkuite që do të organizojnë garat prej 100km në vitin 2025.
Kampionati që shënon 75 vjetorin e Botërorit të Formula 1 do të jetë i 5’ti që organizon eventet Sprint – ndërsa Sao Paulo është pista që e pret atë çdo vit prej 2021, ndërsa Belgjika kthehet në kalendar pas mungesës prej vitit 2023.
Shanghai dhe Miami do të presin garat Sprint për të dyt vit rradhazi ndërsa Austin dhe Katari do ta bëjnë këtë për të 3’in vit. Formati i ri ka rezervuar emocione dhe gara ekselente me fitues të ndryshëm si Max Verstappen, Valtteri Bottas, George Russell, Sergio Perez dhe Oscar Piastri. Audienca që ka ndjekur live këtë sezon në “Sprint Qualifying” dhe “Sprint Race” pësoi një rritje prej 40% në “Chinese Grand Prix”.
Transmetimi live i Sprint’it në Miami arriti në 946,000 shikues në ESPN, një rekord për televizionet amerikane. Ndërsa në Austri këtë vit, “Sprint Qualifying” pati një rritje prej 76% ndërsa rritje pati edhe në pistat e Azerbaixhan’it dhe Belgjikës respektivisht 15% dhe 22%. 6 eventet e vitit 2025 do të zhvillohen në pista interesante duke siguruar aksion dhe adrenalinë shtesë përgjatë një sezoni të gjatë.
Kalendari i eventeve Sprint në F1 për vitin 2025
21-23 Mars 2025 – Shanghai, Kinë
2-4 Maj 2025 – Miami, SHBA
25-27 Korrik 2025 – Spa-Francorchamps, Belgjikë
17-19 Tetor 2025 – Austin, SHBA
7-9 Nëntor 2025 – Sao Paulo, Brazil
28-30 Nëntor – Lusail, Katar
LEXONI GJITHASHTU:
