Parandalohet ngjarja kriminale në familje, në pranga 34-vjeçari në Fushë Arrëz

Një ngjarje e mundshme kriminale është parandaluar ditëm e sotme në Fushë Arrëz.

Policia bën me dije se në fshatin Bugjon, teksa po konfliktoheshin babë e bir, ky fundit posedonte një armë zjarri dhe sipas bluve rrezikonte jetën e familjarëve të tij.

Mësohet se falë ndërhyrjes të Policisë, është bërë i mundur neutralizimi i konfliktit, ku në pranga ka rënë D. P., 34 vjeç.

“Shërbimet e Komisariatit të Policisë Pukë, pas marrjes së njoftimit se në fshatin Bugjon, Fushë Arrëz, po konfliktoheshin në banesë, babë e bir dhe se ky i fundit posedonte një armë zjarri dhe rrezikonte jetën e familjarëve të tij, kanë organizuar punën dhe kanë shkuar në kohë reale, në banesën ku po ndodhte konflikti”- njofton policia.

Ndërkohë policia ka sekuestruar një armë zjarri pushkë, me fishek në fole, gati për qitje dhe një sasi municioni luftarak, të cilat i dispononte 34-vjeçari i arrestuar

Materialet i kaluan Prokurorisë pranë Gjykatës së Rrethit Gjyqësor Pukë, për veprime të mëtejshme.

LEXONI GJITHASHTU: 

• “Në Shkodër vijon tërheqja e ujit”, Peleshi për situatën e përmbytjeve
• Gjyqi i Vokshit me ministren Kushi për tezat e provimeve, deputetja: Proces i stisur
• Kalon në Bruksel propozimi për liberalizimin e vizave për Kosovën në janar të 2024-s