Gjyqi i Vokshit me ministren Kushi për tezat e provimeve, deputetja: Proces i stisur

Deputetja e Partisë Demokratike, Albana Vokshi ka dhënë një deklaratë për mediat pas seancës së radhës gjyqësore me Ministren e Arsimit, Evis Kushi.

Vokshi nënvizoi se ky është një proces gjyqësor i stisur nga vetë ministrja, që sipas saj duhet të kishte dhënë dorëheqjen.

“Prokuroria në një kërkesë të pabazë kërkoi kohë, kërkoi kohë edhe pse faktet dhe provat janë të gjitha aty. Kjo ministre ka rrënuar arsimin. Opozita nuk duhet që të heshtë. Ne do të jemi çdo ditë në mbrojtje të arsimit dhe të fëmijëve. Data 6 dhjetor është një ditë e mirë dhe ne do u tregojmë të gjithëve ne jemi krah Shqipërisë. 6 dhjetori është një ditë e mirë për ti treguar kryeministrave evropianë që ne e duam Shqipërisë dhe pas 30 vitesh”, tha ajo.

Në muajin shtator  Albana Vokshi, deklaroi se ka paraqitur provat që kishte në dispozicion për padinë të bërë ndaj saj nga ministrja e Arsimit Evis Kushi, për tezat e provimit të maturantëve të cilat dolën para provimeve.

Pas daljes nga seanca gjyqësore, Vokshi u shpreh se denoncimi i një mësueseje nga Elbasani dhe më pas i publikuar nga ajo, është i vërtetë.

Ajo tha se mësuesit janë të survejuar nga patronazhistët dhe kërcënohen me vendin e punës.

LEXONI GJITHASHTU:

• ‘Në gjyq me ministren Kushi’, Vokshi: Paraqita prova, mësuesit ndihen të kërcënuar
• Vokshi: Ministrja Kushi mungoi në gjyq, duhet të japë dorëheqjen
• Gjyqi i Vokshit me ministren Kushi, deputetja: Proces i stisur