Parashikimi i analistit: Tiranën e merr Këlliçi, qytetarët do ndëshkojne Ramën

Analisti Genc Burimi beson se Belind Këlliçi, kandidati i Primareve të organizuara nga ish-kryeministri Sali Berisha, do të fitojë përballë kryebashkiakut Erion Veliaj, garën për Tiranën.

Në një intervistë për Euronews Albania, Burimi u shpreh se Veliaj do të humbasdë, pasi qytetarët do ta ndëshkojnë Ramën për politikat e tij në këto 10 vite qeverisje.

“Rëndësi ka vetëm Tirana, sepse Tirana ka buxhet. Marrja e Bashkisë së Tiranës mund të financojë partitë politike që kanë bashkitë. Unë mendoj se Tiranën mund ta krahu i Berishës, nuk e di më kë do bëjë koalicion.

Tiranën do ta humbasë PS për mendimin tim, sepse në një farë mënyrë, shqiptarët edhe ata që nuk e duan Berishën, duan ta bëjnë Ramën të paguajë një çmim për këto 10 vite. Kjo ndodh shpesh në Perëndim. Besoj se Veliaj do të humbasë për shkak të politikave kombëtare të Edi Ramës”, theksoi ai.

LEXONI GJITHASHTU

• Analisti: Ja sa bashki mund të fitojë Berisha në zgjedhjet e 14 majit

• Meta prezanton Lefter Maliqin në Kuçovë: Hyri në parlament, i tmerroi të gjithë

• Regjistrimi në zgjedhjet e 14 majit, Alibeaj bën ankimin në KAS