Parlamenti mblidhet nesër për Bordin e Paqes, zbardhet kërkesa e PS

Parlamenti mblidhet nesër në seancë plenare për të ratifikuar “Marrëveshjen e Pranit të Shqipërisë në Bordin e Paqes”.

Kërkesa e grupit parlamentar të PS për të thirrur nesër seancën plenare për të votuar aderimin e Shqipërisë në bordin e paqes është firmosur nga 30 deputete të PS.

Rendi i ditës i seancës së nesërme:

Në orën 10:00 mbahet seanca plenare për miratimin e projektvendimit për miratimin me procedurë të përshpejtuar të projektligjit “Për ratifikimin e marrëveshjes së pranimit të Republikës së Shqipërisë, përfaqësuar nga kryeministri Edi Rama, në Kartën e Bordit të Paqes”.

Shqyrtimi dhe miratimi i projektligjit “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.

Në orën 11:00 mblidhet komisioni përgjegjës për shqyrtimin e projektligjit, i cili është Komisioni për Europën dhe Punët e Jashtme. Më pas rikthimi në seancë për votim.

Bordi i Paqes, një iniciativë e presidentit Trump synon vendosjen e paqes me fokus fillestar konfliktin në Rripin e Gazës dhe më pas zgjerimin e tij në kriza të tjera globale.