Parlamenti rus: Sekuestrimi i aseteve nga BE do të përballet me masa ligjore

Parlamenti i Rusisë, Duma njoftoi të enjten se çdo sekuestrimi të aseteve ruse nga Bashkimi Evropian duhet t’i përgjigjet duke marrë masa ligjore kundër Belgjikës dhe Euroclear.

Komisioni Evropian ka propozuar një plan sipas të cilit qeveritë evropiane do të jenë në gjendje të përdorin deri në 185 miliardë euro për të siguruar kredi për Ukrainën, por pa i sekuestruar ato.

Vendimi i Dumës vëren se përdorimi i propozuar i aseteve ruse nga shtetet anëtare të BE-së përbën në thelb një konfiskim të paligjshëm të pronës dhe për këtë arsye, nëse zbatohet, mund të konsiderohet vjedhje.

“Çdo sulm ndaj aseteve ruse duhet të përballet me përgjigjen e duhur ligjore, duke filluar me kërkesa për kompensim – me një kërkesë për sekuestrimin e aseteve si masë sigurie – kundër Euroclear dhe Belgjikës, ku mbahet pjesa më e madhe e fondeve shtetërore të ngrira në mënyrë të paligjshme” tha Duma.

“Pasuritë e jorezidentëve (të Rusisë) nga shtete armiqësore mund të përdoren gjithashtu si burim kompensimi”, përfundon vendimi.

LEXONI GJITHASHTU:

• Sylvinho: Përballja e marsit me Poloninë do të jetë krejt ndryshe
• Plani i paqes, Zelensky do të takojë në Kiev zyrtarë amerikanë të Mbrojtjes