Sylvinho: Përballja e marsit me Poloninë do të jetë krejt ndryshe

Për trajnerin e Kombëtares shqiptare, Sylvinho, ndeshja e ardhshme me Poloninë në mars mbart një domethënie të veçantë. Debutimi i tij në pankinën kuqezi ka qenë pikërisht kundër këtij rivali, por sipas teknikut brazilian, sfida e radhës nuk ka ngjashmëri me atë të disa muajve më parë.

Duke folur nga Zvicra pas hedhjes së shortit, Sylvinho u shpreh se Polonia e marsit do të jetë një skuadër tjetër.

“Pres një Poloni tjetër nga ajo që na ka mundur në ndeshjen time të parë. Kanë ndryshuar shumë lojtarë dhe trajnerin,” deklaroi ai.

Tekniku nuk pranoi të jepte parashikime për rezultatin, duke theksuar se deri në nisjen e kualifikueseve situatat mund të ndryshojnë.
“Deri në mars mund të ndodhin shumë gjëra,” u shpreh Sylvinho, duke lënë të hapur çdo skenar për përballjen e radhës.