“Parti e djathtë”- Shehaj për forcën e re politike: Synojmë 10 % të votave në 2025

Deputeti i Partisë Demokratike, Agron Shehaj, i cili së shpejti pritet të prezantojë një projekt të ri politik, Partinë Mundësia, ka dhënë më shumë detaje lidhur me këtë zhvillim.

Në Euronews Albania, Shehaj tha se forca e re politike që ai dhe të tjerë po krijojnë është e pozicionuar djathtas.

Ai tha gjithashtu se në zgjedhjet e vitit 2025, synon që kjo forcë politike të marrë 10 % të votave.

“Ajo që habiti bashkëthemeluesit është se një mbështetje shumë të madhe kishim edhe në Kukës. Ndoshta ka të bëjë me disa qëndrime që unë kam marrë në këto vite në politikë, që kanë të bëjnë me një akt që bëri shumë bujë në atë kohë, që kishte lidhje me disa banorë të Kukësit, me qëndrimin që kam mbajtur për Rrugën e Kombit dhe traun që u vendos.

Më pyesin për çështjene  aleancave, por ne jemi në fazën e krijimit të kësaj force politike. Jemi pozicionuar djathtas. Më pas do të vendoset se çfarë strategjie do të ndiqet. Nuk merren vendimet vetëm për zgjedhjet e ardhshme.

Mendoj se te 10 % të votave. Është shumë shpejt, 5 muaj para zgjedhjeve mund të bëj një analizë më të saktë. Unë e kam një ide, e di edhe mbështetjen politike që kam. 10 % mund të jetë një rezultat si fillim i mirë”, tha Shehaj.

LEXONI GJITHASHTU:

• Deputeti Agron Shehaj prezanton partinë e tij të re në 1 qershor, ja si do të quhet
• Lëvizja e re politike “Mundësia”/ Shehaj: Më 1 qershor mbajmë konventen e parë