‘Partizani’, dy të pandehur të tjerë. SPAK i komunikon akuzat Bektashit dhe Begejas

Pas Sali Berishës dhe Jamarbër Malltezit, SPAK i komunikoi akuzat për dosjen e privatizimit të ish-kompleksit ‘Partizani’ edhe ndërtuesit Fatmir Bektashi si dhe shtetasit Xhimi Begeja.

Shkon në 4 numri i të pandehurve për dosjen e privatizimit të ish-kompleksit ‘partizani’. Pas ish-kryeministrit Berisha dhe dhëndrit të tij Jamarbër Malltezit, Spak i komunikoi akuzat edhe biznesmenit dhe ndërtursit Fatmir Bektashi si dhe shtetasit Xhimi Begeja, një nga përfaqësuesit e familjeve që përfituan nga privatizimi. Ndërtuesit Bektashi, firma e të cilit shfrytëzoi e zhvilloi sipërfaqet e ish klubit “Partizani”, iu komunikua akuza e korrupsionit aktiv dhe pastrimit të parave.

Ndërkohë Xhimi Begejas iu komunikua akuza e “Pastrimit të parave”.

Për dosjen e privatizimit të ish-kompleksit Partizani, SPAK është në përfundim të hetimeve dhe në fillim të tetorit pritet ta dërgojë për gjykim. Nga ana tjetër SPAK po verifikon rolin e shtetasve të tjerë të cilët mund të merren në ndekje penale.