Pas arrestimit të kryebashkiakut të Stambollit, në pranga edhe avokati i tij

Turqia është përfshirë prej ditësh nga protesta të shumta, pas arrestimit të kryebashkiakut të Stambollit Ekrem Imamoglu, i cili tashmë ndodhet në paraburgim.

Ndërkohë mediat e huaja raportojnë se është arrestuar edhe avokati i Ekrem Imamoglu, Mehmet Pelivan.

Sipas njoftimit, avokati i Imamoglu po hetohet për “pastrim pasurish që rrjedhin nga veprimtari kriminale”.

Mehmet Pelivan, avokati që ka mbrojtur Ekrem Imamoglun, është arrestuar mbi baza të sajuara, thotë deputeti Turan Taskin Ozer në një postim në X pa dhënë detaje të mëtejshme.

“Sikur të mos mjaftonte grushti i shtetit kundër demokracisë, ata nuk mund të durojnë që viktimat e grushtit të shtetit të mbrohen”, shkruan Imamoglu në X.

Kryebashkiaku i Stambollit konsiderohej si sfiduesi më i fortë i Presidentit Recep Tayyip Erdogan përpara zgjedhjeve të planifikuara presidenciale në vitin 2028.

Arrestimi i Imamoglu ka çuar në demonstratat më të mëdha kundër qeverisë së Turqisë në një dekadë, dhe protestat janë përhapur në një numër qytetesh të vendit.

LEXONI GJITHASHTU:

• Ekrem Imamoglu në burg, zgjidhet kryebashkiaku i përkohshëm i Stambollit
• U arrestua për korrupsion, kreu i partisë CHP në Turqi viziton në burg Imamoglu