Lideri konservator Friedrich Merz ka fituar një votim parlamentar për t’u bërë kancelari i ardhshëm i Gjermanisë. Zgjedhja e tij vjen pas dështimit të votimit në raundin e parë.

Fillimisht, Merz kishte humbur gjashtë vota nga shumica absolute që i nevojitej, një goditje e rëndësishme për prestigjin e tij dhe një dështim i paparë në historinë gjermane të pasluftës.

Meqenëse votimi ishte i fshehtë në Bundestagun me 630 vende, nuk kishte asnjë tregues se kush kishte refuzuar ta mbështeste atë , qoftë deputetët nga partneri i tij i koalicionit të qendrës së majtë apo konservatorët e tij.

Pas orësh pasigurie në Bundestag, partitë dhe presidenti i Bundestagut ranë dakord të mbanin një votim të dytë, të cilin Merz e fitoi me 325 vota, një shumicë prej nëntë votash.