Pas dorëheqjes së gjyqtares Elsa Toska, Kuvendi hap garën për vakancën në GJK

Në mbyllje të vitit, Kuvendi hap garën për vendin bosh të krijuar në Gjykatën Kushtetuese pas dorëheqjes së gjyqtares Elsa Toska.

Pa hyrë 2026-a të interesuarit për karrigen e gjyqtarit kushtetues duhet të dërgojnë në postën e kuvendit kërkesën e tyre. Me hapjen e garës edhe nga Kuvendi përmbushet edhe përtëritja e Gjykatës Kushtetuese me tre gjyqtarë të saj për vitin 2025.

Pritshmëria është që brenda pak muajve të vitit të ardhshëm të jenë zgjedhur edhe dy gjyqtarët më të rinj, pas Asim Vokshit që pasoi Holta Zaçaj.

10 kandidatët e presidencës dhe në pritje të atyre të kuvendit do t’i nënshtrohen “vettingut” profesional dhe moral të Këshillit të Emërimeve në Drejtësi.

Procesi nis në janar me KED–ën e dalë nga shorti i hedhur në presidencë. Për secilin institucion, pra presidentin dhe kuvendin, KED do të propozojë tre kandidatët me pikët më të larta.

Presidenti Bajram Begaj është i lirë të zgjedh një nga tre kandidatët më të vlerësuar ndërsa për Kuvendin procedura është me votim.  

Në këtë proces Partia Socialiste është e pakushtëzuar. Ajo zotëron votat për të zgjedhur të preferuarin mes tre kandidatëve me pikët më të larta. Edhe nëse ndodh që PS nuk gjen një votë për të plotësuar 84, karrigen e “Kushtetueses” e merr i rendituri i pare nga KED.

Fituesi do të ulet në karrigen e gjyqatrit të “Kushtetueses” për një mandat të plotë 9 vjeçar.