Pas Eriksen, shënohet incidenti i dytë më i rëndë në Euro 2020

Një tifoz futbolli ndodhet në gjendje të rëndë pas rrëzimit nga shkallët e stadiumit “Wembley” në Londër gjatë fitores 1-0 të Anglisë përballë Kroacisë.

“Po punojmë me UEFA-n për t’u siguruar se rasti do të hetohet plotësisht dhe ne do të vazhdojmë ta monitorojmë çështjen”, tha në një reagim Federata Angleze e Futbollit.

Stadiumi ikonë do të presë 8 ndeshje të Euro 2020, përfshirë një prej gjysmëfinaleve dhe finalen.

Incidenti ka ndodhur vetëm pak çaste pasi ndeshja kishte filluar, por nuk dihen detaje të tjera.

UEFA ka konfirmuar incidentin por ka refuzuar që të bëjë komente të mëtejshme për arsye privatësie.