Pas falimentimit banka Silicon Valley blihet nga rivalët

Asetet dhe huatë e bankës së falimentuar amerikane Silicon Valley Bank po blihen nga rivalja First Citizens BancShares. Dështimi i SVB në fillim të këtij muaji shkaktoi frikë për stabilitetin e huadhënësve të tjerë, duke shkaktuar rënie të mprehta të aksioneve të bankave në mbarë botën.

Në Evropë, shqetësimet për fuqinë e gjigantit bankar zviceran Credit Suisse çuan në një blerje të nxituar nga rivali UBS.

Tregjet kanë mbetur nervozë, megjithëse aksionet e bankave u hapën më lart të hënën.

Aksionet në Deutsche Bank të Gjermanisë ranë me 14% në një moment të premten, përpara se të rikuperonin terren. Ndërsa tregtimi filloi të hënën ato u rritën me rreth 3%.

Banka Silicon Valley u kap nga rregullatorët amerikanë në fillim të këtij muaji pas një sulmi në bankë dhe kolapsi i saj u pasua me shpejtësi nga dështimi i një banke tjetër amerikane Signature Bank.

Shkatërrimi i dy bankave ishte dështimi më i madh i bankave në SHBA që nga kriza financiare e vitit 2008.

Klientët e Bankës Silicon Valley këshillohen të vazhdojnë të përdorin degën e tyre aktuale derisa të marrin njoftim nga First Citizens Bank se llogaria e tyre është zhvendosur plotësisht.

First Citizens ka qenë një nga blerësit më të mëdhenj të bankave me probleme vitet e fundit. Ajo ka blerë rreth 72 miliardë dollarë të aseteve dhe kredive të SVB me një zbritje prej 16.5 miliardë dollarësh.

LEXONI GJITHASHTU:

• Demonstruesit bllokojnë muzeun e Luvrit në Paris
• Berisha publikon gjetjet e raportit të auditit për financimet ruse në PD