Pas fjalimit të zjarrtë “Europa po vdes”, Macron kërkon debat për armët bërthamore

Pas fjalimit të zjarrtë për Europën javën e kaluar, presidenti francez, Emmanuel Macron ka kërkuar një debat të gjerë për rolin e armëve atomike në një strategji të përbashkët europiane.

Fillimisht ishte fjalimi parimor i presidentit francez, Macron në Universitetin e Sorbonës, ku me fjalinë “Europa jonë mund të vdesë” dhe kërkesën që Europa “imponojë respekt”, ai shkaktoi reagime të gjera. Propozimi i Macron për forcim të mbrojtjes europiane u përshëndet tek politika gjermane.

Tani Macron kërkon një debat për rolin e armëve atomike në mbrojtjen europiane. Në një intervistë për grupin mediatik “Ebra” Macron theksoi, se dëshiron të hapë debatin “që përfshin mbrojtjen raketore, kapacitetet e raketave me rreze të gjatë veprimi dhe armët atomike për ata që i kanë apo që në tokën e tyre kanë armë atomike europiane”.

“Le t’i hapim të gjitha në tavolinë dhe të shohim, se çfarë na mbron vërtet”u shpreh shefi i Eliseze, Franca është e gatshme të bëjë më shumë për mbrojtjen europiane, ka shtuar Macron. Që nga Brexit, Franca është e vetmja fuqi atomike në Bashkimin Europian. Ai bëri thirrje për një mbrojtje europiane “të besueshme”.

LEXONI GJITHASHTU:

• Macron ngre alarmin: Ekziston rreziku që Europa mund “të vdesë”
• Lojërat Olimpike në rrezik, Macron paralajmëron ndryshimin e ceremonisë hapëse