Pas përmbytjeve Indonezia goditet nga një tërmet i fortë, nuk ka rrezik për cunami

Pas përmbytjeve Indonezia është goditur nga një tërmet me magnitudë 6.6 ballë. Tërmeti goditi një ishull të vogël në veriperëndim të Sumatrës.

Epiqendra e tërmetit, i cili ndodhi në orën 11:56 sipas orës lokale në ishullin Simeulue dhe kishte një thellësi fokale prej 25 kilometrash. Autoritetet vlerësuan se nuk ka rrezik për një cunami.

Indonezia tronditet shpesh nga tërmetet pasi ndodhet në “Unazën e Zjarrit” të Paqësorit, një zonë me aktivitet të fortë sizmik ku kryqëzohen pllakat tektonike dhe që shtrihet nga Japonia përmes Azisë Juglindore përgjatë pellgut të Oqeanit Paqësor.

Indonezia gjithashtu po përballet me përmbytje dhe rrëshqitje dheu ku deri më tani kanë humbur jetën 19 persona dhe janë zhdukur 24 të tjerë.

LEXONI GJITHASHTU:

• Përmbytjet në Indonezi, shkon në 19 numri i viktimave! 24 persona të zhdukur
• Lufta në Ukrainë, Dekleptocracy zbulon dobësitë e Rusisë: Kjo do ta dëmtonte shumë