Pas të nxehtit ekstrem, Korça përfshihet nga stuhia

Pas ditëve të thata shoqëruar me temperatura që kanë shkuar deri në 40 gradë, fusha e Korçës pasditen e sotme është përfshirë nga reshjet e shumta të shiut shoqëruar me stuhi, shira që kanë ardhur pas më tepër se 60 ditësh.

Për specialistet e bujqësisë reshjet kanë ardhur në kohën e duhur edhe për shkak se rezervat ujore për vaditje kishin shkuar në kufijtë minimalë.

Gjithashtu, shirat duket se vijnë në ndihmë edhe të vatrës se zjarrit në Parkun Kombëtar të Prespës, pasi zjarri në majë të Malit të Thatë vijonte të aktivizohej here pas here ndërkohë që ishte e pamundur për t’u ndërhyrë për shkak të terrenit të thyer malor e të thepisur.

Sipas informacioneve, nuk paraqiten dëme në kulturat bujqësore.

LEXONI GJITHASHTU:

• ‘Kthehen rrebeshet, ulen temperaturat’, Porja bën parashikimin e motit gjatë javës
• Kushtet ekstreme të motit, dy viktima nga vala e nxehtë në Itali