Pas tërheqjes së trupave ruse, Scholz takohet me Putin

Kancelari Olaf Scholz u takua sot në Moskë me presidentin Putin në përpjekje për të gjetur gjuhën e dialogut dhe për të ulur tensionet me Ukrainën dhe Perëndimin.

Në nisje të fjalës së tij, Putin u shpreh se do t’i kushtojnë një pjesë të konsiderueshme të kohës çështjeve që lidhen me situatën në Evropë dhe me sigurinë.

Një tjetër çështje e rëndësishme që lidh Gjermaninë dhe Rusinë është Nord Stream 2, një projekt që e ka vendosur Berlinin përballë Brukselit dhe Washingtonit.

Rusia nisi sot tërheqjen e trupave ushtarake nga kufiri me Ukrainën, pasi sipas Ministrisë së Mbrojtjes në vend, “stërvitjet ushtarake përfunduan”.

Rusia pati grumbulluar rreth 100 mijë trupa ushtarake në kufi me Ukrainën, gjë që solli paralajmërimin e Perëndimit për një pushtim të mundshëm rus.