Pas ultimatumit të Ramës, dorëheqje masive në bashkinë e Selenicës

Pesë administratorëve të njësive administrative në Selenicë, kanë dorëzuar dorëheqjet e tyre të cilat tashmë janë protokolluar dhe konfirmuar nga vetë institucionet lokale.

Këto dorëheqje vijnë pas ultimatumit të kryeministrit Edi Rama, i cili gjatë një takimi me kryetarët e bashkive në Durrës pak ditë më parë, kërkoi largimin edhe të të gjithë kryetarëve të njësive administrative. Ky urdhër ishte pjesë e një pakete më të gjerë riorganizimi, që përfshin dorëheqjet e drejtuesve të institucioneve në varësi të pushtetit vendor.

Në Bashkinë e Selenicës, megjithëse dorëheqjet e pesë administratorëve janë pranuar, puna e tyre do të analizohet në detaje dhe në përfundim të këtij procesi do të vendoset nëse do të ketë largime përfundimtare.

Urdhri për dorëheqje pritet të zbatohet edhe në Bashkinë e Vlorës, ku deri tani janë konfirmuar dorëheqjet e të gjithë drejtuesve të institucioneve në varësi të pushtetit vendor, duke vijuar kështu një valë ndryshimesh në administratat vendore në jug të vendit.

LEXONI GJITHASHTU:

• Rama kërkon shkarkimin e nënkryetarëve të bashkive: Janë të lodhur dhe të konsumuar
• Rama kërkon shkarkimin e të gjithë drejtorëve në bashkitë e Elbasanit dhe Lushnjës