Pas vendimit për të dërguar tanket Leopard 2 në Ukrainë, kancelari Gjerman Olaf Scholz, ka prerë shpresat e Kievit se mund të ketë dërgim të avionëve luftarak.

Scholz, tha prerë dhe qartë këtë të hënë se Gjermania nuk do të dërgojë avionë luftarakë në Ukrainë.

Deklarta e Scholz vjen pas aludimeve se ndihma ushtarake gjermane, do të rritej pas pajtimit të Berlinit për dërgimin e 14 tankeve Leopard 2 në Ukrainë.

Pas këtij vendimi, zëdhënësi i Kremlinit, Dmitry Peskov, tha se vendimet e Perëndimit, përfshirë edhe dërgimin e tankeve, po krijojnë një situatë “shumë, shumë të tensionuar” të sigurisë në Evropë dhe për botën në përgjithësi.