“Pasagjeri i lutet Zotit”, dalin pamjet brenda avionit pak momente para rrëzimit

Një video që po qarkullon në rrjetet sociale tregon momentet e fundit të pasagjerëve të avionit të Azerbajxhanit, i cili u rrëzua afër qytetit Aktau në Kazakistan.

Videoja, që u regjistrua nga njëri prej tyre, tregon pasagjerët e tmerruar, mesazhet e stjuardesave gjatë kohës që avioni ishte ende në ajër por po përballej me situatën problematike.

Sipas pamjeve, maskat e oksigjenit janë lëshuar brenda kabinës, një shenjë e qartë që tregon se situata ishte serjoze, ndoshta për shkak të një problemi teknik ose shkaqe tjetër që ende nuk janë sqaruar.

Pasagjerët janë parë në gjendje paniku kur avionin duket se në ato momente po e mundonte diçka ndërsa pasagjeri që filmon këto skena shikohet dhe dëgjohet teksa i lutet Zotit për tejkalimin e kësaj situate të vështirë.

Një tjetër video, e marrë pak sekonda pas përplasjes së avionit, tregon pasagjerët që përpiqen të dalin nga avioni i shkatërruar.

Ky moment është veçanërisht dramatik, pasi është e qartë që shumë pasagjerë kanë pësuar dëmtime dhe gjendja është kaotike.

Sipas raportimeve, shumica e pasagjerëve që mbijetuan përplasjen ndodheshin në pjesën e pasme të avionit, pranë bishtit, dhe kjo mund të ketë qenë arsyeja që ata shpëtuan.

The final moments of the Azerbaijan Airlines plane before its crash in Kazakhstan were captured by a passenger onboard.

Aftermath also included in the footage. pic.twitter.com/nCRozjdoUY

— Clash Report (@clashreport) December 25, 2024

LEXONI GJITHASHTU:

• Momente dramatike, të mbijetuarit dalin nga avioni i rrëzuar në Kazakistan
• Shenja shpimesh të pashpjegueshme te avioni në Kazakistan, mister shkaku i rrëzimit
• Video dramatike/ Iu lut Zotit kur avioni ishte në ajër, e falenderon nga toka