Pasojat e përmbytjeve në Vlorë, qytetarët apel Bashkisë: Dezinsektoni qytetin

Përmbytjet që goditën qytetin e Vlorës, përveç dëmeve materiale, kanë sjellë edhe pasoja të tjera shqetësuese për qytetarët. Një nga shqetësimet kryesore tani është rritja e numrit të mushkonjave.

Banorët vlonjat kërkojnë masa urgjente për dezinfektimin e qytetit, pasi vatrat e infeksioneve mund të përhapen dhe rrezikojnë shëndetin e tyre nga sëmundjet infektive.

“Shumë problem, ka shumë mushkonja, nukkanë hedhur asnjëherë ilaç këtu”, tha një qytetar.

“Shiko si më kanë pickuar mushkonjat mua, shiko. Nuk merret vesh vetëm nga nurmi i mushkonjave. Vjen pastrimi, merr një karroc atje edhe kërcet e ikën”, tha një tjetër qytetar.

Ndërsa rastet e infektimeve nga pickimi i mushkonjave nuk janë regjistruar në spitalin rajonal të Vlorës, qendrat shëndetësore po raportojnë me dhjetra raste, kryesisht fëmijë që kërkojnë trajtim.

Kjo situatë kërkon një reagim të shpejtë dhe efikas për të mbrojtur shëndetin e qytetarëve dhe për të parandaluar përhapjen e sëmundjeve.

LEXONI GJITHASHTU:

• Pas derbit në Vlorë, Tirana pritet të luajë me Laçin në
• Përmbytjet në Vlorë, IMT nis aksion për prishjen e ndërtimeve pa leje