PD hap selinë për qytetarët: Të shpalosin shqetësimet e tyre

Partia Demokratike njofton se do të hapë selinë dhe foltoren e saj për shqiptarët me idenë e hapjes ndaj shoqërisë, dhe në përgatitje për frymën popullore të protestës së 7 korrikut.

“Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet  e tyre personalisht, dhe jo nëpërmjet përfaqësuesve politikë”, njoftohet nga selia blu.

Partia Demokratike, në kontratën e re sociale me shoqërinë, fton të gjithë shqiptarët që duan të ngrenë zërin, të bashkohen çdo ditë në foltoren e selisë dhe më 7 korrik në shesh.

Ditën e nesërme, PD bashkë me shoqërinë civile do të zhvillojnë një protestë në kryeqytet që pritet të nisë në orën 19:00.

LEXONI GJITHASHTU:

• PD hap dyert për protestën, Berisha takime me grupet e interesit
• Berisha: Më 7 korrik, t’i tregojmë botës se ne vendosim për fatet e vendit